આ ક્ષણે યાદ આવે છે 14મી ઑગસ્ટ 2005ની સાલનો INT અમદાવાદનો મુશાયરો. મુશાયરો પૂરો થયા પછી મંચ ઉપર આર. આર. શેઠ કંપનીના ચિંતનભાઈ શેઠ સાથે ઊભો છું ત્યારે જાણીતા તસ્વીરકાર સંજય વૈદ્ય ચંદ્રકાંત બક્ષીને લઈને આવે છે. ધીમું ધીમું મીઠું મીઠું હસતા ચંદ્રકાંત બક્ષી હાથ લંબાવી 'તમારી મર્દાના રજૂઆત છે. તમારી ગઝલો ખૂબ સરસ છે.' આમ જણાવે છે. સંજય વૈદ્ય કહે છે કે બક્ષીબાબુએ સામેથી કહ્યું હતું કે રાજેશ વ્યાસની ઓળખાણ કરાવો. જેની સાથે ઓળખાણ કરવા સૌ સામેથી તક શોધતા હોય છે એવા ચંદ્રકાંત બક્ષી ગઝલના નિમિત્તે સહજ, ખૂબ પ્રેમથી મળવા આવે તે ઘટના મારે માટે ઘણી સુખદ છે.
(શ્રી રાજેશ વ્યાસ 'મિસ્કીન' સાહેબના ગઝલસંગ્રહ 'એ પણ સાચું... આ પણ સાચું'ની પ્રસ્તાવનામાંથી...)
