ઈરાક યુદ્ધ (માર્ચ 2003) પછી લખાયેલી નવી આરબ કવિતા 'યુદ્ધ' - કવિ દુન્યા મિખેઈલ, અને પ્રગટ થઈ માર્ચ 31, 2003ના લંડનના 'ટાઈમ્સ'માં. થોડા અંશો:
વહેલી સવારથી
સાયરનો, એમ્બ્યુલંસો, હવામાં લુઢકતી લાશો,
બૉલબેરિંગ પર સરકતાં સ્ટ્રેચરો પર
પડેલા ઘાયલો, માની આંખોમાં વરસાદ ખેંચી
લાવે છે. રેગિસ્તાનની ધરતી પર
બાળકોના માથાંઓમાં થતા પ્રશ્નો-
આકાશમાં ફેંકાતા અગ્નિના ગોળાઓ
અને પ્રક્ષેપકો
દેવતાઓની મજા ખાતર....યુદ્ધ
જનરલોને ચંદ્રકો, કવિઓને વિષયો
બનાવટી અંગોના ઉદ્યોગનો વિકાસ,
માખીઓની ઉજાણી,
ઈતિહાસના પુસ્તકમાં પાનાંઓની વૃદ્ધિ
હત્યારા અને હત્યા વચ્ચેની સમાનતા
છોકરીઓની પ્રતિક્ષાના દિવસો
અનાથો માટે ઘરો, કોફીન બનાવનારાઓના
ધંધામાં તેજી, નેતાના ચહેરા પર સ્મિત....
(ક્લોઝ-અપનું સ્માઈલ પ્લીઝ: પૃ.15)
No comments:
Post a Comment